ដោយការប្រើប្រាស់បច្ចេកវិជ្ជាចុងក្រោយ យ៉ាន់ម៉ាបានបង្កើតបណ្តាញរួមបញ្ចូលគ្នាដែលផ្សំឡើងដោយប្រព័ន្ធម៉ាស៊ីនភ្លើងរួមនីមួយៗ។ តាមរយៈការធ្វើឱ្យអាចផ្លាស់ប្តូរកម្តៅនិងថាមពលរវាងឯកតានីមួយៗ នឹងអាចសម្រេចបានប្រសិទ្ធផលកាន់តែប្រសើរជានិច្ច។ ថាមពលលើសដែលបានបង្កើតនៅក្នុងសហគមន៍ ត្រូវបានចែករំលែកនៅក្នុងសហគមន៍តែមួយដើម្បីរ៉ាប់រងការខ្វះខាតក្នុងតំបន់ ហើយការបាត់បង់ថាមពលត្រូវបានកាត់បន្ថយអប្បបរមាតាមរយៈការចែកចាយថាមពលល្អបំផុត។

អគ្គិសនីភាគច្រើនដែលប្រើប្រាស់បច្ចុប្បន្ន ត្រូវបានបង្កើតឡើងដោយស្ថានីយថាមពលធំៗ។ ប៉ុន្តែ កម្តៅបំភាយចេញដែលមិនត្រូវបានប្រើនៅពេលបង្កើតអគ្គិសនីនិងថាមពលបាត់បង់នៅពេលបញ្ជូនអគ្គិសនី ធ្វើឲ្យប្រសិទ្ធផលថាមពលទាំងមូលថយចុះនៅសល់ប្រហែល40%។ និយាយម៉្យាងទៀត ប្រមាណ60%នៃថាមពលដែលបានបង្កើត គឺបានខាតបង់។

យ៉ាន់ម៉ាបានបង្កើតប្រព័ន្ធម៉ាស៊ីនភ្លើងរួមដែលមានគោលបំណងកសាងសង្គមដែលមានសមត្ថភាពប្រើប្រាស់ថាមពលប្រកបដោយប្រសិទ្ធផលដោយគ្មានការខាតបង់។ ប្រព័ន្ធរបស់យើងផលិតថាមពលតាមរយៈម៉ាស៊ីនដែលដំណើរការដោយឥន្ធនៈដែលមានផលប៉ះពាល់បរិស្ថានទាបដូចជាជីវឧស្ម័នកាបូនណឺត(carbon-neutral biogas) និងឧស្ម័នធម្មជាតិ។ កម្តៅដែលត្រូវបានបង្កើតក្នុងកំលុងពេលផលិតថាមពល ត្រូវបានប្រើប្រាស់យ៉ាងមានប្រសិទ្ធភាពក្នុងការផ្គត់ផ្គង់ទឹកក្តៅនិងម៉ាស៊ីនកម្តៅនិងម៉ាស៊ីនត្រជាក់ ដើម្បីកាត់បន្ថយការខាតបង់ថាមពល។ យ៉ាន់ម៉ាបានសម្រេចបាននូវការប្រើប្រាស់ទាំងអគ្គិសនីនិងកម្តៅតាមរយៈប្រសិទ្ធផលឈានមុខគេក្នុងវិស័យ។

យ៉ាន់ម៉ាកំពុងធ្វើសកម្មភាពឆ្ពោះទៅសង្គមដែលមនុស្សអាចទទួលបានថាមពលដែលពួកគេត្រូវការ នៅពេលពួកគេត្រូវការវា នៅគ្រប់ទីកន្លែងដែលពួកគេស្ថិតនៅទូទាំងពិភពលោក។
ដើម្បីសម្រេចបាននូវអនាគតពិភពលោក យ៉ាន់ម៉ាកំពុងធ្វើការស្រាវជ្រាវនិងអភិវឌ្ឍទៅជាផលិតកម្មប្រកបដោយប្រសិទ្ធផលនិងការចែកចាយថាមពលល្អបំផុត។

យ៉ាន់ម៉ាក៏កំពុងខិតខំដើម្បីសម្រេចបាននូវសង្គមដែលគ្មានបំបាយជាតិពុលនិងផ្តល់នូវថាមពលដែលកាន់តែមានសុវត្ថិភាព និងល្អចំពោះបរិស្ថាន ដោយប្រើប្រាស់ប្រភពថាមពលផ្សេងៗរួមមានថាមពលអ៊ីដ្រូសែន ជីវម៉ាសនិងថាមពលធម្មជាតិដូចជាថាមពលពន្លឺព្រះអាទិត្យ ខ្យល់ និងថាមពលវារីអគ្គិសនី។