ឈានទៅអនាគតជាមួយបច្ចេកវិទ្យា
តាំងពីពេលបង្កើតក្រុមហ៊ុន យ៉ាន់ម៉ាប្រកាន់យកស្មារតីត្រួសត្រាយផ្លូវរបស់ខ្លួនដើម្បីធ្វើឱ្យការរស់នៅរបស់មនុស្សកាន់តែប្រសើរឡើង។
ខណៈពេលដែលផ្តល់ជូននូវដំណោះស្រាយ យើងស្វែងរកបច្ចេកវិទ្យាដែលនាំទៅកាន់ភាពរុងរឿងខ្លាំងបំផុតដោយប្រើធនធានតិចបំផុត។ ភាពរុងរឿងប្រកបដោយនិរន្តរភាពសម្រាប់ទាំងអស់គ្នា។ ភាពសម្បូរបែបដែលស្ថិតស្ថិរយូរអង្វែងនៅក្នុងធម្មជាតិ។ ដើម្បីឲ្យគោលការណ៍ទាំងពីរនេះកើតមានជាមួយគ្នា យើងនឹងបន្តអនុវត្តបច្ចេកវិទ្យាដើម្បីបង្កើតទម្រង់ថ្មីនៃភាពរុងរឿងដើម្បីអនាគតកាន់តែប្រសើរ។
សង្គមដែលសន្សំសំចៃថាមពល។
ទទួលបានថាមពលកាន់តែច្រើន។ កម្តៅ ការងារ និងថាមពល ដែលមានសុវត្ថិភាពនិងតម្លៃសមរម្យ នៅគ្រប់ពេលវេលាដោយគ្មានកាកសំណល់។
យើងផ្តល់ជូននូវថាមពលប្រកបដោយប្រសិទ្ធផលខ្ពស់ហើយល្អចំពោះបរិស្ថានល្អ។
យើងធ្វើការដើម្បីអភិវឌ្ឍបច្ចេកវិទ្យាដែលមានប្រសិទ្ធផលខ្ពស់និងមានសុវត្ថិភាពព្រមទាំងប្រព័ន្ធដែលប្រើប្រាស់ដោយប្រសើរបំផុតនូវប្រភពថាមពលផ្សេងៗ ជាមួយនឹងសមត្ថភាពបច្ចេកវិទ្យាឈានមុខគេ យើងខិតខំបង្កើតតុល្យភាពរវាងរបៀបរស់នៅប្រកបដោយផាសុកភាពនិងផលប៉ះពាល់តិចតួចបំផុតទៅលើបរិស្ថាន។
សង្គមដែលមនុស្សអាចធ្វើការនិងរស់នៅដោយស្ងប់ចិត្ត។
ការធូរស្បើយពីលក្ខខណ្ឌការងារដ៏លំបាក។ ប្រជាជនរកប្រាក់ចំណូលដោយការងារដែលមានសុវត្ថិភាពនិងមានភាពពេញលេញ និងរស់នៅជីវិតដែលទទួលបានការតបស្នងប្រកបដោយសុខដុមជាមួយធម្មជាតិ។
យើងផ្តល់ជូននូវបរិស្ថានការងារប្រកបដោយផាសុកភាពតាមរយៈស្វ័យប្រវត្តិកម្មនិងប្រតិបត្តិការដោយម៉ាស៊ីន។
យើងជួយបង្កើតកន្លែងធ្វើការដែលកាន់តែប្រសើរដោយប្រើបច្ចេកវិទ្យាគ្រឿងម៉ាស៊ីននិងស្វ័យប្រវត្តិកម្ម ដែលកាត់បន្ថយកម្លាំងពលកម្មនិងបង្កើនផលិតភាព។ យើងសម្រេចវាបានតាមរយៈការគាំទ្រហេដ្ឋារចនាសម្ព័ន្ធ ការអភិវឌ្ឍទីក្រុង និងការអភិវឌ្ឍបច្ចេកវិទ្យា ដែលទាំងអស់នេះធានាបាននូវសុវត្ថិភាពនិងភាពងាយស្រួលធ្វើការងារ។
សង្គមដែលមនុស្សអាចរីករាយនឹងអាហារដែលមានសុវត្ថិភាពនិងបរិបូរ។
អាហារឆ្ងាញ់និងមានជីវជាតិគ្រប់ពេល និងគ្រប់ទីកន្លែង។ ការរស់នៅកាន់តែមានសុខភាពល្អសម្រាប់ទាំងអស់គ្នា។
យើងផ្តល់ការគាំទ្រសរុបនៅក្នុងខ្សែច្រវាក់តម្លៃអាហារ។
យើងជួយក្នុងខ្សែច្រវាក់តម្លៃអាហារទាំងមូលចាប់តាំងពីការរៀបចំដីរហូតដល់ការបណ្តុះកូនដំណាំ ការប្រមូលផល និងការបញ្ជូនផលិតផលទៅអ្នកប្រើប្រាស់។ យើងស្វែងរកក្របខណ្ឌប្រកបដោយនិរន្តរភាពសម្រាប់វិស័យកសិកម្មនិងនេសាទដើម្បីបន្ថែមគុណភាពដល់ផលិតផលកសិកម្មរបស់យើង។ យើងបង្កើតសង្គមដែលមនុស្សទូទាំងពិភពលោកអាចទទួលបានអាហារឆ្ងាញ់និងមានសុវត្ថិភាព។
សង្គមដែលផ្តល់ជូននូវជីវិតដែលរំភើបរីករាយ ពោរពេញទៅដោយបទពិសោធន៍សម្បូរបែបនិងពេញលេញ។
ទទួលបានមកវិញច្រើនបំផុតពីការងារនិងការកំសាន្ត។ ជីវិតដែលមានភាពប្រសើរជាងមុនសម្រាប់មនុស្សទាំងអស់គ្នា។
យ៉ាន់ម៉ាខិតខំធ្វើឲ្យជីវិតរស់នៅប្រចាំថ្ងៃមានភាពសម្បូរបែបតាមរយៈអាជីវកម្មរបស់ខ្លួន។
យើងមិនត្រឹមតែផ្តល់ជូនផលិតផលនិងសេវាកម្មដែលបន្ថែមភាពងាយស្រួលនិងភាពច្នៃប្រឌិតថ្មីប៉ុណ្ណោះទេ គឺថែមទាំងបង្កើតបច្ចេកវិទ្យាដែលសន្សំសំចៃកម្លាំងពលកម្មផងដែរ។ យើងសំដៅទៅការមានការងារនិងជីវិតផ្ទាល់ខ្លួនប្រកបដោយសុវត្ថិភាពនិងភាពរុងរឿង។
សម្រេចឲ្យបានភាពរុងរឿងខ្លាំងបំផុតដោយប្រើធនធានតិចបំផុត
ឥទ្ធិពលខ្លាំងបំផុតពីថាមពលតិចបំផុត។ ទិន្នផលច្រើនបំផុតដោយប្រើកម្លាំងតិចបំផុត។មានផាសុកភាពបំផុតដោយភាពតានតឹងតិចបំផុត។សុភមង្គលខ្លាំងបំផុតដោយផលប៉ះពាល់បរិស្ថានតិចបំផុត។ នៅយ៉ាន់ម៉ា យើងបន្តអភិវឌ្ឍបច្ចេកវិទ្យាដែលមានប្រយោជន៍សម្រាប់ផលិតកម្មអាហារនិងបំប្លែងថាមពលដែលផ្តល់លទ្ធផលច្រើនបំផុតដោយប្រើធនធានតិចបំផុត។ ដោយសម្លឹងមើលទៅ100ឆ្នាំខាងមុខទៀត បច្ចេកវិទ្យារបស់យើងនឹងផ្តល់នូវដំណោះស្រាយដែលនាំទៅអនាគតប្រកបដោយនិរន្តរភាពនិងភាពរុងរឿងកាន់តែខ្លាំង។
យ៉ាន់ម៉ាធ្វើការស្រាវជ្រាវនិងអភិវឌ្ឍលើ5វិស័យ
ដើម្បីស្វែងរកដំណោះស្រាយសម្រាប់សង្គមដែលកាន់តែរុងរឿង។
ផ្គត់ផ្គង់ថាមពលប្រសើរបំផុត
ដោយផលប៉ះពាល់បរិស្ថានតិចបំផុត
យ៉ាន់ម៉ាស្វែងរកបច្ចេកវិទ្យាដែលរួមបញ្ចូលគ្នានូវប្រសិទ្ធផល សមត្ថភាពខ្ពស់ និងភាពល្អជាមួយបរិស្ថាន ដោយចូលរួមក្នុងការស្រាវជ្រាវនិងអភិវឌ្ឍរថភ្លើងអគ្គិសនីជំនាន់ក្រោយ។ ផលិតផលនេះប្រើប្រាស់ប្រភពថាមពលប្រកបដោយប្រសិទ្ធផលជាមួយនឹងទស្សនៈឆ្ពោះទៅរកហាយប្រ៊ីតនិងការប្រើម៉ូទ័រអគ្គិសនី។
- បច្ចេកវិទ្យាម៉ាស៊ីន
- បច្ចេកវិទ្យាប្រើប្រាស់អ៊ីដ្រូសែន / កម្តៅ
- បច្ចេកវិទ្យាហាយប្រ៊ីត
- បច្ចេកវិទ្យាថាមពលអេឡិចត្រូនិច / បញ្ជូនថាមពល
- បច្ចេកវិទ្យាគ្រប់គ្រងថាមពល
សមិទ្ធផលការងារខ្ពស់បំផុត
ដោយកម្លាំងពលកម្មតិចបំផុត
ដោយបង្កើតបច្ចេកវិទ្យានៃរ៉ូបតចល័ត(field robotics)ដែលបំពេញការងារដោយឯករាជ្យនិងស្វ័យប្រវត្តិក្រោមលក្ខខណ្ឌដ៏លំបាក យើងរួមចំណែកកសាងសង្គមដែលមនុស្សអាចធ្វើការកាន់តែសុវត្ថិភាព ចំណាយកម្លាំងតិច និងកាន់តែត្រឹមត្រូវ។
- បច្ចេកវិទ្យាស្គាល់ការវាស់ស្ទង់
- បច្ចេកវិទ្យាគ្រប់គ្រងបញ្ញាសិប្បនិម្មិត
- បច្ចេកវិទ្យាបង្វែរមេកានិចនិងថាមពល
- បច្ចេកវិទ្យាត្រួតពិនិត្យប្រព័ន្ធ
អាហារដែលមានគុណភាពខ្ពស់បំផុតដោយ
ការប្រមូលផលដែលប៉ះពាល់តិចបំផុត
ការស្រាវជ្រាវនិងការអភិវឌ្ឍបច្ចេកវិទ្យាជីវសាស្ត្រក្នុងកសិកម្មនិងជលផល នឹងជួយឱ្យសម្រេចបាននូវផលិតកម្មអាហារប្រកបដោយនិរន្តរភាព។ យើងផ្តល់ជូននូវអាហារឆ្ងាញ់និងមានសុវត្ថិភាពដោយបង្កើតបច្ចេកវិទ្យាដែលបង្កើនបរិមាណទិន្នផលនិងគុណភាពយ៉ាងខ្លាំង។
- បច្ចេកវិទ្យាអភិវឌ្ឍពូជនិងបង្កាត់ពូជរុក្ខជាតិ
- បច្ចេកវិទ្យាតាមដានពិនិត្យ
- បច្ចេកវិទ្យាគ្រប់គ្រងបរិស្ថាន
- បច្ចេកវិទ្យាវាយតម្លៃជីវសាស្ត្រ
ភាពរំភើបខ្លាំងបំផុតតាមរយៈ
ដំណោះស្រាយជឿនលឿន
យើងអភិវឌ្ឍបច្ចេកវិទ្យាដែលជួយឱ្យអតិថិជនរីករាយនឹងពេលវេលាដ៏មានតម្លៃ។ យើងសង្ឃឹមថានឹងកសាងសង្គមដែលផ្តល់នូវជីវិតដ៏រំភើបពោរពេញទៅដោយបទពិសោធន៍ដ៏សម្បូរបែបនិងមានភាពពេញលេញ។
- បច្ចេកវិទ្យាបញ្ជាពីចម្ងាយ
- បច្ចេកវិទ្យាយល់ដឹង
- បច្ចេកវិទ្យាវាយតម្លៃនិងព្យាករណ៍
- បច្ចេកវិទ្យាធ្វើរោគវិនិច្ឆ័យ
- សន្តិសុខ
ភាពជឿជាក់និងផាសុកភាពខ្លាំងបំផុត
ដោយការរំខានតិចបំផុត
តាមរយៈការបង្កើតសមត្ថភាពបច្ចេកវិទ្យាក្នុងការរចនា ផលិត និងវាយតម្លៃផលិតផលដែលមានគុណភាពខ្ពស់ យើងផ្តល់ជូននូវភាពជឿជាក់ខ្ពស់បំផុតតាមរយៈការធ្វើឱ្យមានអត្រាប្រតិបត្តិការខ្ពស់ដោយគ្មានការបង្អាក់ផលិតកម្ម។
- បច្ចេកវិទ្យារចនាវត្ថុលើកកម្ពស់ការងារ(Ergonomics)
- បច្ចេកវិទ្យាវត្ថុធាតុដើមនិងការរចនា
- បច្ចេកវិទ្យាវាយតម្លៃនិងព្យាករណ៍
- បច្ចេកវិទ្យាធ្វើរោគវិនិច្ឆ័យ
- សន្តិសុខ
ការត្រួតពិនិត្យបច្ចេកទេសយ៉ាន់ម៉ា មានផ្ទុកព័ត៌មានស្រាវជ្រាវនិងអភិវឌ្ឍ និងឯកសារស្រាវជ្រាវបច្ចេកទេសដែលបានដាក់ស្នើដោយក្រុមស្រាវជ្រាវនិងអភិវឌ្ឍរបស់យើង។
វាបង្ហាញពីបច្ចេកវិទ្យាជឿនលឿនដែលយើងកំពុងអភិវឌ្ឍជាបន្តបន្ទាប់។
មណ្ឌលស្រាវជ្រាវសម្រាប់បច្ចេកវិទ្យាត្រូវបានដំណើរការនៅទីតាំងផ្សេងៗលើពិភពលោកដើម្បីគាំទ្រអាជីវកម្មនៅយ៉ាន់ម៉ា។
មជ្ឈមណ្ឌលស្រាវជ្រាវ និងអភិវឌ្ឍន៍
មជ្ឈមណ្ឌលស្រាវជ្រាវ និងអភិវឌ្ឍន៍ (ក្រុងម៉ៃបារ៉ា ខេត្តស៊ិហ្កា)
យ៉ាន់ម៉ាបើកដំណើរការវិទ្យាស្ថានស្រាវជ្រាវទូទៅនេះចាប់តាំងពីឆ្នាំ 1956។ មជ្ឈមណ្ឌលស្រាវជ្រាវ និងអភិវឌ្ឍន៍គឺជាកម្លាំងចលករដ៏សំខាន់សម្រាប់ការស្រាវជ្រាវនៅសម្ព័ន្ធយ៉ាន់ម៉ា។ គម្រោងរួមមានការស្រាវជ្រាវពីប្រតិបត្តិការស្វ័យប្រវត្តិ បច្ចេកវិទ្យារ៉ូបត និងថាមពល។
Yanmar Kota Kinabalu R&D Center Sdn.Bhd.
Yanmar Kota Kinabalu R&D Center Sdn.Bhd.(Kota Kinabalu, Malaysia)
យើងធ្វើការយ៉ាងសស្រាក់សស្រាំឆ្ពោះទៅរកនិរន្តរភាពដោយផលិតនិងវិភាគជីវឥន្ធនៈដែលឥឡូវនេះកំពុងត្រូវបានណែនាំទៅកាន់ទីផ្សារអាស៊ី។ យើងក៏ប្រើប្រាស់បច្ចេកវិទ្យាជីវសាស្ត្រក្នុងការស្រាវជ្រាវនិងអភិវឌ្ឍកសិកម្មនិងវារីវប្បកម្មរបស់យើងផងដែរ។
Yanmar R&D អឺរ៉ុប
Yanmar R&D អឺរ៉ុប(ទុសកានី(Tuscany) ប្រទេសអ៊ីតាលី)
យើងសហការជាមួយសាកលវិទ្យាល័យ វិទ្យាស្ថានស្រាវជ្រាវ និងក្រុមហ៊ុនក្នុងតំបន់ដើម្បីបង្កើតបច្ចេកវិទ្យាសម្រាប់ការប្រើប្រាស់ថាមពលជំនាន់ក្រោយប្រកបដោយប្រសិទ្ធភាព។ យើងធ្វើការស្រាវជ្រាវនៅក្នុងបច្ចេកវិទ្យាសម្រាប់បណ្តាញថាមពលក្នុងតំបន់ ការធ្វើត្រាប់ប្រតិបត្តិការ(simulation)ជឿនលឿន និងការគ្រប់គ្រងរ៉ូបត។
Marine Farm
Marine Farm(Kunisaki, Oita)
យ៉ាន់ម៉ាបើកដំណើរការមណ្ឌលស្រាវជ្រាវឯកទេសនេះសម្រាប់ការរីកចម្រើននៅក្នុងឧស្សាហកម្មសមុទ្រ។ ដើម្បីបង្កើនវារីវប្បកម្ម យើងធ្វើការដើម្បីកសាងប្រព័ន្ធវារីវប្បកម្មប្រកបដោយនិរន្តរភាពនិងមានអនាម័យដោយបង្កើតមណ្ឌលវារីវប្បកម្ម ធនធានចំណី និងកូនអយស្ទ័រ។
មណ្ឌលពិសោធន៍គុរ៉ាស៊ិគិនៃមជ្ឈមណ្ឌលនវានុវត្តន៍ជីវសាស្ត្រ
មណ្ឌលពិសោធន៍គុរ៉ាស៊ិគិ
នៃមជ្ឈមណ្ឌលនវានុវត្តន៍ជីវសាស្ត្រ(ក្រុងគុរ៉ាស៊ិគិ ខេត្តអុកាយ៉ាម៉ា)
ក្នុងនាមជាមណ្ឌលបច្ចេកវិទ្យាជីវសាស្ត្រជឿនលឿនបំផុត យើងសហការជាមួយវិទ្យាស្ថានស្រាវជ្រាវជប៉ុននិងអន្តរជាតិដើម្បីបង្កើតការដាំដុះ ការផលិត និងប្រព័ន្ធផលិតកម្មអាហារដែលមាននិរន្តរភាព។ យើងធ្វើការដើម្បីបង្កើតដំណោះស្រាយថ្មី។
មជ្ឈមណ្ឌលស្រាវជ្រាវ និងអភិវឌ្ឍន៍ Yanmar (សានដុង)
មជ្ឈមណ្ឌលស្រាវជ្រាវ និងអភិវឌ្ឍន៍ Yanmar (សានដុង)(សានដុង ប្រទេសចិន)
យើងធ្វើការស្រាវជ្រាវទាក់ទងនឹងបច្ចេកវិទ្យាកសិកម្មព័ត៌មាននិងបច្ចេកវិទ្យាកែច្នៃធនធានឡើងវិញ ដោយសហការជាមួយក្រុមហ៊ុននិងវិទ្យាស្ថានស្រាវជ្រាវឈានមុខគេរបស់ប្រទេសចិន។ ដោយប្រើប្រសិទ្ធផលនៃថាមពល យើងធ្វើការដើម្បីបង្កើតផលិតកម្មអាហារប្រកបដោយសុវត្ថិភាពនិងថាមពលដែលល្អចំពោះបរិស្ថាន។
- មុន
- បន្ទាប់
